Idantifye sou non Amarmando, yon sitwayen ayisyen 40 lane mouri nan Repiblik Dominikèn. Trajedi a te fèt nan pwovens Bahoruco. Viktim nan, ki te mouri aprel te fin resevwa bal ak plizyè kout manchèt nan men 7 endividi pami yo 3 frè kise sòlda Dominiken , tap travay ak prezidan Asosyasyon kiltivatè yo nan kominote sa a, Tirzo Rodríguez.
Pandan zak la, yo mete dife nan uit (8) kay nan zòn Rosa, seksyon Majagual, nan komin Galván. Sòlda Dominiken ki te enplike nan asasina trajik Amarmando te idantifye tèt yo kòm Papilin, Roberto ak Valentín Montero. Yo te deplase soti nan minisipalite Vallejuelo, pwovens San Juan, pou al fè zak mechanste sa, se sa jounal dominiken Listen Diario fè konnen.
Zak la rive apre yon diskisyon ant de jèn ayisyen ak papa sòlda yo. Papa solda yo te resevwa yon koit wòch nan ponyèt a dimanch dènye nan laprèmidi. Kòm revanj, twa sòlda dominiken yo, ki te sipòte pa lòt moun, atake ayisyen yo ki te oblije kouri pou sove tèt yo. Epi malerezman, Amarmando soti viktim.
