Chak jou pi plis se revelasyon kap fèt sou dosye trafik zam ak minisyon nan dwan podpè . Daprè Rezo Nasyonal Kap defann dwa moun yo ,gen plis pase 200 mil dola ameriken ki bay pou liberasyon Fritz Jean ak Jonas Georges ki enplike nan dosye trafik zam ak minisyon nan podpè a.Plizyè manm nan aparey jidisyè a nan podpè jwenn moso kob pa yo tou nan dosye sa toujou daprè yon
nòt RNDDH la mete deyò lendi 25 jiyè a.
Oganism kap defann dwa Moun yo di yo regret arestasyon ansyen manm kabinè minis jistis ak sekirite piblik la vin sal imaj enstitisyon an mete sou sa avi rechech ak manda rale mennen vini ki lanse kont direktè adjwen Zafè jidisyè nan ministe a ,Me Fritz Aubourg.2 chef lalwa sa yo kontribiye nan liberasyon Fritz Jean ak Jonas Georges toujou daprè RNDDH ki di lap swiv avèk anpil atansyon lòt dosye trafik zam tankou sa ki enplike legliz Épiscopal d’Haïti .
Marie Rosie Auguste Ducenat,ki se responsab pwogram nan RNDDH la envite otorite konpetant yo pou trennen douvan lajistis tout Moun ki gen men yo tranpe nan trafik zam ak minisyon .
Rezo nasyonal kap defann dwa moun mande CSPJ kontinye ankete ,gen lòt moun nan system jistis pòdepè a ki gen gwo lajan nan men yo nan kad dosye trafik zam sa.
