Minis Kominikasyon an, Emmelie Prophète, nan yon entèvyou ak RFI jedi 22 septanm 2022 a fè konnen mouvman pwotestasyon popilasyon ayisyen an lejitim. Li te pale tou sou pwochèn ane lekòl la kap kòmanse 3 oktòb kap vini la.
“Lavi a difisil anpil. Sitiyasyon mizè a pa akseptab, donk popilasyon an gen rezon poul manifeste. Sitiyasyon sa dire twò lontan, petèt 220 lane. Bagay yo vin pi mal. Mwen menm, pèsonèlman, mwen totalman konprann kòlè pèp la, ” se sa li te di nan mikro Marie Normand.
Apre kòlè popilasyon an ki te pran lari, sa ki lakòz wout te bloke, anpil piyaj ak lòt ankò, Minis la anonse repons gouvènman li an. “Kòlèg mwen nan Ministè Afè Sosyal la, an patikilye, ap fè tout sa l kapab pou asire ke kèk fòm èd rive nan popilasyon an. Nou kòman etidye pwoblèm sila ki te gen byen yo ki te vandalize, an patikilye biznis,”
Emmelie Prophète konfime tou kòmansman ane lekòl la pou 3 oktòb sa a, malgre kèk lekòl te sibi zak piyaj pandan dènye mouvman manifestasyon yo. “rantre lekòl lekòl la toujou kenbe, paske timoun nou yo dwe retounen lekòl. Retounen lekòl sa a pral petèt pèmèt nou wè sa ki ka vini kòm èd, ki jan nou ka ede paran yo ak lekòl sa yo ki te piye”.
