Atak ame sou Prizon Sivil Fanm nan Kabarè, zòn Titanyen, se rezilta yon operasyon twa gang kap koupe rache nan anviwonman prizon an. Se sa RNDDH fè konnen.
Anvan atak kont prizon an, daprè responsab RNDDH la, Marie Rosy Auguste Ducéna, bandi yo te barikad tout wout ki mennen nan sant detansyon an.
Daprè responsab dwa moun nan, 5 machin ki te chaje ak gason ki gen anpil zam te mobilize pou mennen atak sa kont sant detansyon an.
Gang “Timonèt” nan Lafito kap dirije pa Peterson Michel, Baz “Van Vire” ki gen nan tèt li Jean Brunet Philémon ak gwoup kriminèl k ap travay nan Kanaran 50 ki sou lòd Jeff Larose. Se 3 gwoup ak zam sa sa yo ki enplike nan kraze pizon an.
Kèk minit anvan atak la sou prizon an, yo te atake pòs polis “Titanyen” an. Nan ofansif sa, polisye Clotaire Saint-Louis te rive pèdi lavil, bandi yo sakaje epi answit yo mete dife nan batiman, se sa Marie Rosy Auguste Ducéna fè konnen.
Yon lòt bò, Pierre Esperance, ki se direktè RNDDH la fè konnen 145 fanm ki te nan prizon sivil la, nan zòn Titanyen, defansè dwa moun nan fè konnen sou 230 prizonye, se sèlman 85 ki reponn prezan nan selil yo.
