Etazini anonse madi 28 mas la yon ogmantasyon pri viza touris, afè,etidyan ,travay pou yon ti bout tan ak envestisè. Mezi sa ap rantre an aplikasyon a pati 30 me 2023 kap vini la.
Pou viza touristik ak afè (B1/B2s ak BCC) epi viza etidyan ki te 165 dola ap vin 185 dola .Tarif kèk viza travay pou yon ti tan (H, L, O, P, Q ak R) te 190 dola lap vin 205 dola poutan pou komèsan ak envestisè (E) yo li te 205 dola lap vin 315 dola.
Nan yon kominike ki pibliye madi an responsab ameriken yo fè konnen frè pou viza non migran yo kalkile a pati pri sèvis konsilè yo. Dènye revizyon kèk pri te fèt nan lane 2014.
