Lapolis arete ansyen chèf kontab Kès asistans sosyal la Pierre Richard Valles aprè jij enstriktè Jean Wilner Morin te fin tandel madi 18 avril la.
Se radyo Metronome ki bay enfòmasyon an nan yon tweet ki apèn pibliye. Ansyen chèf kontab la akize trafik enfliyans ak koripsyon nan yon rapò ULCC te pibliye.
Pou aktyèl direktris CAS la Edwine Tonton, jij enstriktè Jean Wilner Morin ap tandel mekredi 19 avril nan lide pou fè limyè sou dosye koripsyon kap boulvèse enstitisuon lap dirije a.
