Seleksyon ayisyèn nan pral jwe nan Sendomeng, dènye match li nan kad fenèt entènasyonal sa a, jodi 14 jen an. Lidè gwoup li nan Lig Nasyon an, Ayiti, pral gen pou misyon konsolide plas li kont Giyàn.
Pou rankont sa a, antrenè Jean Jacques Pierre gen yon gwoup 21 jwè ki disponib. Lendi 13 jen an, yo te travay ak antrenè fizik ak mantal, Olivier Guillier apre sa yo te antre sou gazon Estadio Panamericano de San Cristobal la.
Ak 7 pwen sou 9 ki te disponib, Grenadye yo okipe premye plas nan gwoup B a, devan Giyanè yo (6 pwen), Monserrat (3 pwen) ak Bermuda (0 pwen). Yon premye plas definitif pou Ayiti ap pèmèt li monte nan Lig A ak epi kalifye pou Gold Cup 2023.
JKC
