Administration jeneral dwan yo enfòme li kolekte a travè biwo dwan yo nan tout peyi a plis pase 11 milya goud resèt pandan mwa mas 2023 a.
Nòt sou pèsepsyon dwanyè yo sou enpotasyon mwa mas 2023 presize gen yon ogmantasyon anviwon 3 milya goud pa rapò ak mwa fevriye a ki plis pase 8 milya goud .
Montan sa se yon nouvo rekò pèfòmans sou direksyon Julecène Édouard, aktyèl direktè jeneral administrasyon jeneral dwan yo.
Yon lòt kote, AGD raple san yo pa site l sou direksyon Romel Bell dwan yo te kolekte 3,7 milya goud pou mwa mas ane pase a .
