Dimanch 9 avril la ,3 polisye asasine nan Thomassin,yon katye nan Petyon Vil , depatman lwès peyi a. Se manm gang ki gen nan tèt li Carlot Petit Homme alyas Ti makak selon yon twit Sendika Nasyonal Polisye Ayisyen yo.
Sendika Nasyonal Polisye Aysiyen dil konfime asasina dimanch 9 avril la,3 polisye nan Thomassin.
Selon kodonatè estrikti sa, Lionel Lazarre ,Krim sa se zèv bandi ki regroupe nan gang Carlot Petit Homme alyas Ti Makak ki nan laboule 12, nan komin Petyon Vil.
Polisye sa yo se Pierre Paul Junior Dorcely, Nicolas Robenson ak Médèze Fortilien, yo asasine nan yon anbiskad daprè Lionel Lazarre.
Yo soti nan 28yèm, 25yèm ak 26yèm pwomosyon enstitisyon polisyè a.
Selon chif SYNAPOHA 21 polisye mouri pandan 4 dènye mwa ane 2023. Sendika pwomèt pou bay lòt eleman enfòmasyon konsènan asasina sa yo.
