Pou pi piti 3 moun kidnape nan lanwit 6 jiyè a nan delma 48 ,tou pre ,Laboratoire 4 C. Béatrice Dupoux pami moun ki kidnape yo. Fanmi viktim nan reklame liberasyon l epi fè konnen ak ravisè yo yo pa gen lajan yo mande a.
Pandan tan sa, ansyen Prezidan konsèy elektoral pwovizwa a, Pierre Louis Opont ki kidnape depi 20 jen toujou nan men ravisè yo. Madanm viktim lan, jounalis Marie Lucie Bonhomme Opont, kontinye mande liberasyon maril.
Si depi yon ti bout tan avèk mouvman “Bwa Kale” a, zak kidnapping yo te fè yon diminye, depi semèn ki sot pase a bandi yo met pye atè, yon sitiyasyon ki bay gwo kè kase sitou avèk pasivite otorite polisyè yo ak nan leta.
