Manm group kriminel 400 mawozo kontinye simen dèy nan mitan popilasyon an .Vandredi 2 septanm lan gang sa a krible ak bal Yon kamyonèt ranpli ak pasaje ki tap soti nan komin kwadeboukè pou pran Direksyon Fon parizyen sou wout Nasyonal nimewo 8 la.
3 moun mouri sou Plas ak plizyè lòt soti blese grav selon medya an liy radiographie.
Moun ki blese grav yo moun zòn nan transpote yo lopital an ijans dapre jounalis Cicéron Gilbert ki te te pale ak ajans lan,gen posiblite pou lis kadav yo ta gwosi parapò ak gravite blesi yo selon ajan kominotè a .
Pami 3 moun ki kouri sou plas yo pandan atak sa gen Yon manm komin Fon parizyen ki te soti nan Yon rankont familyal daprè presizyon Yon lidè kominotè ki pat an mezi pou idantifye orijin 2 viktim.
Nouvel sa kreye endinyasyon kay manm komin komin Fond Verrette ak Ganthier ki mande fos lod yo pou pran responsabilité yo .
Nap raple 400 mawozo te asasine plis pase 8 moun pami yo 3 manb fanmi Desanclos ki se Josette fils Desanclos ak 2 pitit fil .Pandan lapolis vle démontre lap kraze gang sa bandi yo bò kote pa yo pa sispann montre fòs yo atravè zak yap Poze .
