Kredi foto: PNH
Lapolis nan komisarya Pòtoprens pwosede ak entèpelasyon madi 25 jiyè nan aprè midi 6 endividi ki te sipoze ale nan Village de Dieu pou yon videyo.
Endivid sa yo se:
1) Kernizan Wilkinson, alias Bourik the Latalay, ki fèt 22 janvye 2000 nan Pòtoprens .
2) Fatal Guerson, li fèt 23 fevriye 1997 nan Anse Rouge
3) Lestin Garlynsky, 07 desanm 1998 nan Pòtoprens.
4) Juste Ismitchel, 21 oktob 2002 .
5) François Ricky Butervens, 06 janvye 2000.
6) Edmond Gesnelson Junior, 27 mas 2003.
Lapolis arete yo nan ang Magloire Ambroise ak St Honoré. Manm nan popilasyon an te denonse yo kòm manm aktif gang 5 segond chèf gang Izo ap dirije. Selon enfòmasyon yo endividi sa yo ale souvan nan Village de Dieu e yo se manm gang lan.
Yo tap sikile nan yon machin mak Honda CRV koulè ble san plak dèyè. PNH soulinye nan kominike sa semèn 24 pou rive 27 jiyè te gen anpil aktivite fèt nan Village epi anpil lòt atis ak DJ te sipoze al nan fèt sa yo.
Pou kounya DCPJ ap travay sou dosye a ,6 endividi sa yo sou siveyans lapolis yap tann swit jidisyè nesesè yo. Lapolis sezi tou machin yo te ye a aprè konsta yon jij lapè.
