Prezidan Ameriken Joe Biden te resevwa Prezidan Domiken Luis Abinader nan Mezon Blanch lan jedi 2 novanm 2023 a. Diskisyon yo te chita sou sitiyasyon sekirite a an Ayiti.
”Nou dwe aji byen vit. Jan mwen te deja di l, pèp ayisyen an pa ka tann ankò,” se sa Joe Biden deklare, pandan l renouvle angajman Etazini pou sipòte deplwaman fòs miltinasyonal la anba lidèchip peyi Kenya.
”N ap kontinye chèche lòt patnè pou sipòte misyon sa a an Ayiti,” se sa Prezidan ameriken an te kontinye pou l di, li pwomèt yon anvlòp 200 milyon dola pou sipòte Misyon Sipò pou Sekirite Miltinasyonal (MMSS).
Depi kèk tan Prezidan R. Dominikèn nan Luis Abinader fè tèt li pase pou pòt pawòl sitiyasyon ensekirite a an Ayiti, toupatou nan entènasyonal la li souvan plede koz Ayiti. Anpil moun konsidere demach li yo tankou demach ipokrit, paske nan konstriksyon kanal la sou rivyè Masak, Luis Abinader te kanpe an kwa pou Ayisyen pa t pran yon branch nan rivè sa ki twouvel nan mitan 2 peyi yo.
Nap sinyale selon Yon editoryal Listin diario Prezidan luis Abinader nan gwo difikilte, lap difisil poul ta benefisye yon lòt manda, jounalis la presize dosye Ayiti a se yon gwo echèk pou Luis Abinader ki te kouri fèmen fwontyè ki lage sektè prive a nan gwo difikilte alòske kanal Ayiti a ap kontinye.
