Kredi photo : entènèt
2 sitwayen ameriken ki gen orijin ayisyèn kidnape tou prè Pòtoprens, sa gen yon semenn. Jean-Dickens Toussaint ak madanm li , Abigail Toussaint te vin an Ayiti pou vin vizite paran yo ki malad epi assiste nan yon festival kominotè.
Ravisè yo reklame 400 000 mil dola pou kapab libere otaj yo selon enfòmasyon fanmi viktim yo nan plizye média ameriken.
Viktim yo tap vwayaje nan bis ki te soti Pòtoprens. Jean-Dickens Toussaint ak madanm li Abigail Toussaint tou 2 gen 33 lane kidnape epi sekestre depi plizyè jou daprè enfòmasyon nan yon petisyon pwòch viktim lan te mete sou entènèt la.
« Yo kanpe bis lan epi mande ak ameriken yo ki te nan bis la ak moun ki te akonpanye yo a pou desann machin lan aprè yo mennen yo », deklarasyon Christie ,manm fanmi an .
Selon esplikasyon Nikese Toussaint, sè Jean Dickens Toussaint, bay medya ABC News, ravie yo te mande 6000 dola avan pou liberasyon koup lan men aprè yo fin jwenn lajan an yo mande 200 mil dola pou chak moun.
Nikese Toussaint deklare li pat konn koman poul te kontakte lapolis ayisyèn men kontakte anbasad ameriken. Depatman deta ameriken pa konfime se yon anlèvman men deklare li okouran rapò ki enfòme disparisyon 2 sitwayen ameriken an Ayiti.
