KOLEKTIF FANM ANGAJE POU AYITI, kondane ak tout fòs li sitiyasyon laterè Peyi a ap viv depi yon bon bout tan e ki depi, dimanch 12 dawou a nan aswè, lage popilasyon Kafou Fèy ak zòn ki viwonnen l yo, nan gwo tèt chaje.
KOLEKTIF la ap mande Lapolis pran bonjan mezi pou pèmèt lapè retounen nan Kafou fèy yon mwayen pou moun yo ki oblije kouri kite lakay yo, kapab retounen san pèdi tan. Chak estrikti nan chapant Leta a dwe prese prese jwe wòl yo nan akonpaye Pèp , chak moun sa ki konsène yo.
Chapo ba pou tout Polisye vanyan ki deside ede Popilasyon an kwape fòs fè nwa yo. KOLEKTIF ap pwofite voye sepati l bay Polisye ki tonbe nan Kafou Fèy jou lendi 14 dawou dènye. Kolektif la salye tou memwa tout Polisye ki tonbe pandan y ap pwoteje popilasyon an.
Li klè sa k ap deplòtonnen la kòm vyolans, kòm latèrè depi kèk tan nan Peyi a pa yon aza, se yon kolosal konstriksyon pou defann gwo enterè. Malerezman yo pran popilasyon an pou kobay. Eske si gang te yon bon bagay votou yo tap kite l drive atè nan katye popilè nan men ti jèn yo ki mal oryante? Kòm yo pa janm bay chans pou majorite pèp la viv jan moun dwe viv, yo itilize malsite popilasyon an, yo itilize mank fòmasyon enstriktif ak emosyonèl li pou bal yon mwayen danjere (sibvèsif) fè l konnen l chef, fè l konnen l toupisan. Konsa kòm patwon e manipilatè y ap tire fisèl yo, fè yo tounen pwòp ajan destriktè tèt yo, vwazen ak anviwonman yo. KOLEKTIF FANM ANGAJE rete kwè ke .
Li klè, malgre volonte Polisye yo, malgre jefò Leta a te fè pou kòmande 14milyon dola vèt materyèl pou Lapolis, nou wè entèvansyon yo toujou gen difikilte pou deplwaye kòmsadwa. Nou konnen gen lòt difikilte ki ap fè fas ki limite travay yo. Li klè pou KOLEKTIF la san yon bourad Peyi a pap kapab retire tèt li nan degre pouriti sa.
Kolektif la ap kontinye pote sipò sosyal bay medam ak tifi yo ki nan difikilte. Kolektif la mande pwoteksyon pou fanm ak tifi yo.
Collectif Catherine Flon
Konbit Fanm Linto1
Collectif des Femmes pour Une Meilleure Alternative Sociale
Oganizasyon Fanm Vanyan an Aksyon
Organisation des Femmes Leaders pour le Developpement
Organisation des Femmes Vaillantes de Carrefour Feuilles
Oganizasyon Fanm Konsekan Fanmi an
Initiative des Femmes Vaillantes
Solidarite Fanm An Aksyon pou devlopman Fouji
Rassemblement des Femmes Victimes vers la Nouvelle Haïti
Rezo Fanmy Nip
SONAFAL
Oganizasyon des Femmes Actives de K -Soleil
Groupe d’action pour le Developpement des Femmes d’Haïti
Gwoup Fanm kap Travay pou Avansman Vido Nip
Nou Tout se Fanm Dayiti
Organisation des Femmes Victimes de Solino
Asosyasyon Fanm pou Devlopman Vila Roza
Alternative des Femmes Haïtiennes pour le Developpement
Oganizasyon Fanm Devwe Kafou Fey pou Devlopman
Solidarite Nasyonal Fanm Lakay
Organisation des Femmes Vaillantes pour le Developpement de Beniac
