Reprezantan Kowòdinasyon depatmantal/rejyonal Sektè Demokratik Popilè mande yon reyinyon an ijans nan sousi pou rezoud kriz kap brase bil SDP a.
Dènye jou sa yo anpil deba ap fèt sou chire Pit ki eklate nan mitan Sektè Demokratik ak popilè a .Si ansyen senatè Nenel Cassy anonse SDP retire kol nan akò 11 sektanm lan,ekip Marjorie Michel ak André Michel sou bò pa yo anonse SDP rete atache ak akò 11 sektanm lan.
Sitiyasyon sa pa kite endiferan reprezantan kowodinasyon depatmantal ak rejyonal SDP ki nan yon nòt raple mouvman politik sa fonde apati yon kongrè nan komin Lakayè .Li te fè chwa yon lidechip Kolektif ki donk Chak gwo desizyon SDP ap pran se nan tèt kole ak tout reprezantan Kowòdinasyon Depatmantal/rejyonal yo.
”Wi, esperans SDP pa konble. Wi manb SDP gen anpil konplent kont gouvènman Ariel Henri. Wi SDP poko santi volonte pou fondamanto yo aplike men, nan gwosè kriz peyi a ladann la, sa mande pou n reflechi anpil anpil, e gade estrateji yo ansanm”dapre nòt sa ki denonse divizyon ki genyen nan Sektè a epi fe konnen SDP pa pou peson.
Nan sans sa ,reprezantan yo mande prese prese konvokasyon alekstrawòdinè Yon asanble jeneral pou vin brase lide sou chire pit ki genyen anndan SDP a.
Nòt sa pote siyati.
Walker Thelemaque, Professeur
Artibonite
Fatal Markenson
Nord
