Pandan Mouvman pou denonse ogmantasyon pri gaz la sou mache lokal nan komansman semenn lan plizye endividi nan leyogan te piye Sikisal UNIBANK nan komin leyogan depatman lwès peyi a. Manifestan yo te pote ale 4 zam yo te jwenn anndan antrepriz la
Kèk jou aprè lapolis nan komin leyogan rive rekipere zam yo swit ak Yon operasyon.Pami 4 zam genyen 3 fizi kalib 12 ak 1 revolver kalib 38 selon konfimasyon Direksyon Jeneral Polis nan Yon nòt ki pibliye sou paj Facebook yo.
Menm operasyon sa te mennen nan komin Sen Mak,depatman Latibonit swit ak sèn piyaj endividi te fè nan plizyè enstitisyon piblik ak prive toujou daprè nòt PNH.
Gras ak entevansyon otorite polisyè épi Jidisyè vil gen 3 motosiklet ki pou Biwo Otorite Pòtyè Nasyonal (APN) rekipere san konte omwen 25 fanm ak gason arete pou enplikasyon prezime yo nan zak piyaj .
