lLapolis fè konnen Inite espesyalize nan Polis Nasyonal la tankou SWAT, UDMO ak UTAG mennen yon operasyon dimanch 4 desanm nan nan zòn pò Lafito, Minotri ak Sous Matla.
Objektif entèvansyon sa kap kontinye toujou, se pou chase gwoup ame ki vle kenbe zòn sa yo an otaj.
Selon kominike sa Fòs lòd yo metel deyò yo fè konnen Nan echanj kout zam avèk lapolis, gen bandi ki tonbe ak blese. Nan zòn sa yo, lapolis, gras ak avèk Inite anjen lou, rive debleye wout epi bouche gwo twou bandi yo fè pou te anpeche pwogresyon fòs lòd yo pou rive nan fyèf yo.
Sou enstriksyon Kòmandan an chèf la, Frantz Elbé gen blende kap kontinye fè patwouy sou wout nasyonal nimewo 1 an nan nivo zòn pò Lafito, Minotri ak Sous Matla pou kontinye kwape bandi selon sèvis kominikasyon PNH la .
