Nan lannwit mèkredi 13 desanm pou louvri maten jedi 14 desanm 2023 a, bandi Savyen yo touye Bertho ak madanm ni andedan lakay yo nan Mowo Pèy sou wout nasyonal #1 an nan depatman Latibonit.
Nap fè remake 2 moun ki mouri yo se 2 pésonaj ki gen 70 ak 80 lane, bandi yo kidanpe pliske 5 moun. Epi yo pote ale nan baz yo tout sa moun yo posede.
Selon enfòmasyon yo bandi yo touye gran Moun yo akoz yo pat ka mache pou monte yon kamyon yo te menen pou bwote moun ak tout sak lakay yo.
Nap raple semèn pase a sosyete sivil la nan St Mak ak Gonayiv te pran lari pou mande Direktè depatmantal polis Latibonit la Paul Ménard pran responsablitel.
5 mwa aprè enstalasyon Nouvo DDA a yon operasyon serye poko Janm mennen Kont Baz gran grif la,plizyè komin toujou pa gen polisye tankou Liancourt ki lage 2 bwa balanse depi aprè asasina 6 polisye UDMO yo, Chen te manje kadav yo nan zòn sa a. Pandan Baz Savien an kontinye ap woule machin polisye sa yo nan tout depatman an anba je fòs lòd yo.
