Kredi photo : entènèt
Apre yon rapò UCREF te voye bay otorite jidisyè yo, Jij Jean Wilner Morin lanse yon manda arestasyon entènasyonal kont ansyen DG BMPAD Patrick Noramé. Yo akize li pou blanchiman lajan ak detounman fon.
Daprè dokiman sa UCREF te voye bay lajistis ayisyèn, ki rapòte zak detounman fon ak blancman lajan, ansyen direktè a te itilize pozisyon li pou debouse lajan bay moun, tankou fanmi l Eveline Delima ak Lunie Elsie Chery.
Lajan detounman yo te itilize sou non 2 konpayi ke moun ki mansyone nan rapò a posede. Konpayi Sa yo se P-JIMEX, Research Center ak La Difference Store.
Rapò a fè remake tou genyen ansyen palmantè ak ansyen manm Administrasyon Privert a ki pami moun ki enplike nan gwo eskandal koripsyon sa a. Pou egzekisyon manda arestasyon entènasyonal la, Pakè Pòtoprens konte sou sipò Interpol.
