Ekip Real Madrid la imilye ekip FC Barcelone kat en (4-1) nan final Sipè koup Espay la jodi dimanch 14 janvye 2024 la nan estad Al-Awwal stadium an Arabie Saoudite. Vinicius Junior make yon triple nan match sa pou Real Madrid.
Se pa yon match ki te gen twòp espekstak sinon prestasyon jwè brezilyen an, Vinicius Jr ki make twa gòl youn sou penaliti epi ki pwvoke Ronald Araujo jouk li fè l pran 2 katon jòn ki bay yon katon wouj. Elye dwat brezilyen an te ouvè eskò a byen bonè nan match sa. Li make yon triple jan m te di l la, nan 3èm minit, nan 4èm ak nan 38èm minit nan rankont sa avan Rodrigo li menm touye Basa nèt ak yon 4èm gòl nan 64èm minit. Se atakan Polonè a Lewandoski ki te make grenn gòl Katalan yo nan 33èm minit. Yon gòl ki pa t pèmèt Blaugrana yo retounen nan match.
Basa pran nan pyèj taktik Real la pou anpil obsèvatè. Jwè Ancelloti yo kite Baselonè yo gen balon an, yo menm yo fè yon blòk devan 30 mèt oubyen 25 mèt pa yo pou yo jwè tranzisyon rapid. Nou kapab pran egzanp 2 premye gòl yo ki fèt sou mwen pase 4 pas. Nan tou 2 mitan yo, ekip Xavi te parèt ap domine match la. Daprè estatistik yo, Basa genyen 58% posesyon Real genyen 48% pou tout match la.
Viktwa sa pèmèt Real Madrid genyen sèt (7) final Sipè koup Espay kont Barcelone li menm ki ranpòte de (2) sèlman sou nèf final (sa jodi a konte tou), yo jwe nan tounwa sa. Se 2èm klasiko Madrilèn yo genyen pou sezon 2023-2024 la. Se premye klasiko yo ranpòte pou lane 2024 la.
Carl Henry Florant
