Ajan Biwo Afè Finansye ak Ekonomik Direksyon Santral Polis Jidisyè DCPJ arete vandredi 22 jiyè sekretè jeneral bawo avoka potoprens yo,Me Robinson Pierre Louis pou enplikasyon prezime nan liberasyon 2 moun ki te enplike nan trafik zam ak minisyon nan waf podpè a pandan mwa jiyè a .
Sekretè jeneral Federasyon Bawo dayiti yo sou kontwol lapolis nan DCPJ.Otorite polisyè yo repwoche’l kòm kwa li jwe enfliyans li kom manb kabinè minis jistis ak sekirite piblik la ,met Bertho Dorcé pou jwenn liberasyon 2 prezime trafikan zam nan podpè.
Me Pierre Louis ki te entèveni sou antèn radyo Mega voye jete byen lwen akizasyon sa yo ki poze sou dol.Toutfwa,Met Pierre Louis konfime kom avoka li te mande yon men leve pou kliyan li ki se mèt bato ajan dwanye yo te jwenn zam ak bal yo .
Dapre avoka a arestasyon propriyete bato a ilegal aK abitrè paske dapre la lwa kliyan li an pa gen okenn responsabilite pénal nan dosye sa .”Mwen pa fè anyen ki mal mwen aji kom avoka” pawol met Pierre Louis pou te defann tèt li .
Sou paj ofisyèl polis nasyonal la sou Facebook yo konfime arestasyon Mèt Robinson Pierre louis pou trafik zam ak Asosiyasyon malfèktè ki itilize enfliyans li pou libere moun .
Nap raple ansyen komisè gouvènman podpè ,Michelet Virgile te arete tou nan Kad dosye sa.
