Alòske yo te gentan konnen yo elimine apre viktwa Inter de Milan (4-0) sou Victoria Plzen, Catalan lan yo yon lòt fwa ankò yon pran yon kal nan Camp Nou Spotify lan (0-3) devan Bayern de Munich. Viktwa Bayern nan jodia se sizyèm match youn kole ak lòt Bayern fè ap bat FC Barcelone nan Lig dè Chanpyon an, se katriyèm match Bayern depil pa pran menm yon gòl nan men ekip Espanyòl lan .
Bayern pase Barca yon lòt kal ankò. Pou yon dezyèm ane youn dèyè lòt, ekip Xavi Hernandez ap dirije a pral jwe nan dezyèm divizyon (Ewopa Lig) foutbòl ewopéen an. Depi sezon 1998-1999 la, Barça pa t fè eksperyans yon doub eliminasyon youn apre lòt pandan faz gwoup C1 la.
Pou jwenn siksè Barça kont Bayern Munich ou dwe tounen nan dat 6 me 2015! Lè sa a, ekip la te konpoze de Leo Messi, Neymar, Luis Suarez, men tou, Andrés Iniesta ak… Xavi Hernandez. Mèkredi sa nan Camp Nou an, Xavi te sou ban klèb Catalan an. Depi nan zòn teknik li a, antrenè a yon lòt fwa ankò kontanple diferans ki genyen ant ekip li a ak ekip Julian Nagelsmann nan.
Yon sèl statistik ase pou rezime rakont jodia a: Barça pa rive kadre okenn chout nan match la sou nèf (9) tantativ. Li te trè difisil pou ekip la te fè fas a vag ofansif Alman yo pou yo ta menm rache yon match nil.
Pou Xavi, bat Bayern depi 2015 se yon souvni ki la depi yon etènite, sal dwe konnen sèke komantatè yo ak fanatik yo pap sispann kritikel apre desepsyon sa.
Jean Kenson CARRIES (JKC)
