Premye Minis Garry Conille enstale enspektè divizyonè Ronald Léveillé kòm Chèf Sekirite primati (USPM) nan kad yon seremoni ki te dewoule lendi 15 jiyè sa a nan rezidans ofisyèl la Musseau.
Nan diskou li, Premye minis Garry Conille souliye enpòtans wòl chèf Sekirite a genyen epi li fè lwanj pou kontribisyon Ronald Léveillé te fè nan sekirite enstitisyon an nan tan pase yo.
Bò kote pa l, Ronald Léveillé pwomèt l ap travay daprè prensip, règleman ak misyon polis nasyonal la, konsa lap garanti pwoteksyon ak sèvis nan primati a.
Li te eksprime tou angajman li pou kenbe gwo dispozitif sekirite, epi reponn ak defi sekirite yo ak pwofesyonalis ak devouman.
