Depi kèk jou sitiyasyon peyi Dayiti vin pi difisil sitou avèk pri gaz la gouvènman Ariel Henry a te deside monte 18 septanm pase. Pandan tan sa, divès aktè nan lavi nasyonal kontinye leve vwa pou rele chalbare dèyè pouvwa sa ki pran desizyon sa ki vin mete apse sou klou sou mizè yo .
Jedi 22 septanm nan, prezidan eli akò Montana, Fritz Alphonse JEAN, nan yon mesaj pou nasyon an eksprime enkyetid fas ak sitiyasyon katastwofik peyi ap konnen dènye tan sa yo. “kawo jeneralize sa a se konsekans vyolans sistèm politik, ekonomik
ak sosyal la, movèz gouvènans ki tabli nan Leta a depi byen lontan,” Deklarasyon Ekonomis la
Pou Fritz Alphonse Jean, dosye gaz la se alimèt ki limen dife kawo men li rete kwè baz kawo sa te tabli depi byen lontan. “Kawo sa se tradiksyon yon dèt sosyal lou ki sou do peyi a. Dèt
sosyal sa gen ekspresyon li nan absans sèvis de baz pou tout popilasyon an, eksklizyon li,
lamizè ak rayisman sosyal pou majorite moun nan peyi a,” se sa ansyen Gouvènè BRH la te rapousuiv poul di.
Fritz Alphonse Jean kontinye poul di ke se vyolans system ekonomi-politik ak sosyal la marye ak move gouvènans ki
mennen nou nan gwo dezespwa, lage nou nan chomaj, grangou, ensekirite, sove kite peyi a.
Imaj 2 fanm kap pote yon Sak diri piyaj ta dwe soulve konsyans aktè politik ak ekonomik yo ,sak pi rèd la sa pase nan depatman latibonit ki se youn nan depatman ki pi rich nan peyi a kote diri ta dwe ap gaspiye nan jaden .Ekonomis la kwè popilasyon an pa dwe kite dezespwa mennen nou nan move chimen.
Pou Prezidan eli akò Montana Lespwa sa ap vini nan yon konsansis politik nasyonal pou frennen efondreman an epi pran wout pou konstwi yon lòt peyi.
Konsansis sa ta dwe debouche sou yon Gouvènman Tranzisyon koupe fache ki pral konbat kontrebann Jan akò Montana te prevwa sa .
