Ajan BLTS ak DCPJ nan yon operasyon arete Lovenie Louis Jean ayè jedi 21 jiyè a sou wout ayewopò a nan kad ankèt kap mennen sou sezi zam ak bal ki te fèt nan Otorite Pò Nasyonal (APN) 14 jiyè pase a. DCPJ tap chèche Lovenie pou swadizan patisipasyon li nan trafik zam ak bal.
Arestasyon sa vini apre arestasyon de lòt moun, pami yo Gina J.L Rolls, toujou nan kad ankèt la. Nou ta dwe sonje 22 zam ladan yo 19 fizi atak, 140 chajè pou divès kalite zam tout kalib ak plis pase 14,600 katouch yo te dekouvri semèn pase a pandan Lapolis ak Administrasyon Jeneral Ladwàn ak Biwo Pakè Pòtoprens lan tap tcheke kèk konntrenè. Yo te konfiske tou 50 mil fo dola tou pandan tchèk yo.
