Lapolis Nasyonal Dayiti mete anba kòd semèn sa nan zòn “Turgeau” 2 sispèk ki ta fè pati gwoup gang Bèlè Kempes ap dirije a. 2 endividi sa yo se Jimmy Févil ak Pierre Roberto.
Daprè enstitisyon lapolis la Jimmy Févil fè pati gwoup gang Kempès ap dirije a, nan zòn Bèlè. Pandan yo tap kesyonel, li denonse youn nan akolit li yo li di ki konn fè biznis ansanm avèl.
Pierre Roberto, bò kote pa l, demanti patisipasyon li nan trafik zam ak bal. Men pandan yon fouy lakay li nan Delmas 32, polisye yo sezi yon seri ekipman ak yon gwo sòm lajan ki estime a plis pase kat milyon goud.
