Soti janvye 2023 pou rive fen mwa avril 2024 la 184,600 Ayisyen apwouve ak otorize pou vwayaje Etazini nan kad pwogram Imanitè Biden nan, daprè done Ladwàn ak Pwoteksyon Fwontyè (CBP). Nan total sa a, 166,700 Ayisyen deja mete pye sou tè ameriken an.
Nan 434,800 sitwayen ki apwouve an total pou kat peyi k ap patisipe yo, Ayiti prèske gen mwatye nan chif sa.
Pwogram imanitè “Parole” la , ki te tabli pou rezon imanitè, vize ede moun ki nan sitiyasyon vilnerab jwenn refij Etazini. Kantite Ayisyen ki deja apwouve nan kad pwogram sa a reflete non sèlman kriz sosyo-ekonomik nan peyi a, men tou efikasite pwogram nan satisfè bezwen ijan popilasyon ki afekte yo.
