Luis Abinader fè konnen se ansyen Premye minis Ayiti a, Ariel Henry, ki te mande l fèmen fwontyè Nò Repiblik Dominikèn nan yon fason pou te kanpe konstriksyon kanal yon gwoup nan sektè prive a te demare pou devye dlo peyi a.
Pandan yon rankont ki te fèt nan sware madi 7 la ak yon gwoup jounalis dominiken ki te akonpaye l nan vwayaj li nan Washington (Etazini), prezidan an te eksplike se yon gwoup nan sektè prive a ki te vle sèvi ak dlo a nan benefis yo sèlman, gouvènman Henry a te opoze ak sa, paske li pa t ap nan enterè Ayisyen k ap viv nan rejyon sa a.
Konsènan sitiyasyon kritik la nan peyi Dayiti Prezidan Luis Abinader fè konnen gouvènman an ap tann deplwaman fòs miltinasyonak peyi Kenya ap gen pou dirije apati 26 me. Abinader te pwofite eksprime espwa li genyen ke fòs entènasyonal la ap reyisi estabilize Ayiti.
