16.50 goud pa minit, Digicel pote klarifikasyon
Apre sikilasyon sou rezo sosyal yo yon nòt vokal ki fè konnen kliyan yo peye 16.50 goud pou yon minit pa apèl, konpayi wouj la konsidere li nesesè pou fè sèten klarifikasyon. «Digicel ap fè tout kliyan li yo konnen, laprès ak piblik la an jeneral, ke pri apèl la pou chak minit se an mwayèn 1.3 HTG men pri yon apèl ki fèt nan kont prensipal la, ki reprezante sèlman mwens pase 4% nan apèl total kliyan yo mete se efektivman 16.5 HTG, » konpayi an te pote presizyon sa nan yon nòt ki parèt ayè lendi 30 me.
«Digicel ofri tout kalite plan pou kliyan li yo; jodi a plis pase 96% nan apèl yo fèt atravè diferan plan yo. Yon kliyan ka achte yon plan 9 HTG pou 6 minit, menm jan li ka deside tou achte yon plan 65 HTG pou apèl san limit pou jounen an ansanm ak plan chak semèn ak chak mwa.»
Yon lòt bò, konpayi an anonse ke li prezante, semèn pase a, kèk plan a mwens pase 50 goud santim pa minit, nan objektif, li di, poul ka rive bay plis valè ak ofri plis fleksibilite ak abòne li yo.
