Direktè ekzekitif RNDDH la Pierre Esperence esplike Ariel henry ap proteje Joseph Felix Badio ,sekretè jeneral palè nasyonal la ap Eseye proteje Jhon joel Joseph ki se bòfrèl .
Defansè dwa moun nan revele sa gen 2 semèn Depi yon sous kwaze Badio ap flannen nan gwo machin li nan petyonvil,kidonk sitwayen sa jwenn proteksyon Chef Cspn nan ki bay DCPJ lòd pou pa manyen Badio ki se youn nan gwo sispèk nan dosye sa.Malgre blokaj bò kote pouvwa sa Pierre Esperence dil pran nòt gen yon nouvo jij ki nome sou dosye a,Li swete Majistra Walther Wesser Voltaire fè travay li jiskobou pou finalman akize ki nan Prizon Depi 11 mwa yo konn sò yo .Direktè ekzekitif Rezo nasyonal kap defann dwa moun yo gen move souvni de seten jij ki pase sou dosye sa tankou Garry Orelien ki te plis ap chèche fè lajan sou do moun ki endekse nan dosye a olyel fè travay li kòmsadwa .Defansè dwa moun nan dil regrèt preske yon lane Aprè asasina Jovenel Moise pou Peyi a kouche zòrèy li ap tann desizyon jistis kap soti etazini .
