Nan jou kap vini yo la gouvènman ap mete yon nouvo administrasyon nan Direksyon Jeneral Dwan yo .
Depi kèk tan anpil moun ap mande kot direktè jeneral Dwan lan Romel Bell ki te gen akizasyon sou dol kom kwa li ta nan trafik zam . Nan lide pou te fe limyè sou dosye sa inite lit Kont Koripsyon te desann nan Dwan lan pou al bouske plis enfomasyon sou dosye sa . Yon desizyon ki te leve plim sou do anplwaye enstitisyon sa ki te rantre nan grèv.
Aprè chita pale ak minis lan grev lan te leve . Plizyè semenn aprè sitiyasyon sa ,minis ekonomi ak finans lan anonse jedi 30 jen an gouvènman an bay anpil atansyon ak dosye sa se poutèt sa nan jou kap vini yo la ap gen yon nouvo administrasyon nan Direksyon Jeneral Dwan yo.
Se okazyon pou titille MEF la eskprime ensatifaksyon ‘l pa rapò ak resèt dwanyè yo .Pou gran ajantye se yon obligasyon pou leta fe chanjman sa nan lide pou pemet enstitisyon an vin pi pèfòman.
Sepandan minis lan pa anonse okenn dispozisyon pou akonpanye ajan dwanye yo ki pa sispann viktim fenomen ensekirite a pi presizeman kidnapin lan kote anpil ladan yo deja pase anba men bandi .
