Lajistis nan peyi Turquie pa deside fè swivi ak demand esktradisyon otorite ayisyen yo te fè pou Samir Nasri Handal ki gen enplikasyon prezime ‘l nan asasina ansyen prezidan Jovenel Moïse 7 jiyè 2021.Aprè 8 mwa detansyon ,37e pi wo kou pénal Istanbul deside libere’l.
Otorite Turques yo te arete antreprenè a nan ayeyopò Istanbul avèk paspò ayisyen ak Jòdanyen epi Yon dokiman vwayaj palestinyen pou te fe tranzit nan lide pou ale Jordanie.Arestasyon sa te fèt pou enplikasyon prezime’l nan asasina ansyen prezidan Jovenel Moïse.
Selon tribinal la ,otorite ayisyen yo pa gen ase prèv pou jistifye enplikasyon prezime Samir Nasri Handal nan asasina ansyen lokate pale nasyonal la .
Avoka Samir Nasri Handal deklare devan tribinal la ,kliyan yo a te selman lwe kay bay Emmanuel Sanon ki enplike nan zak la.Nan tribinal la akize esplike jij yo rezon ki fèl pa vle ekstrade.Li di’l pè pou yo pa matirize’l pandan ‘l retounen an Ayiti .
Nan Yon tweet ansyen premye minis Claude Joseph pibliye lendi 5 jiyè a sou dosye a li fè konnen Handal libere paske gouvènman Ariel Henry pwodwi yonn demand ki pa konfòm ak prensip diplomatik yo .
Pou kounya Samir Nasri Handal lib .Pandan tan sa lajistis ayisyen ap make pa sou plas nan Kad dosye sa Otorite jidisyè yo dezinye yon 5 kyem jij pou enstwi dosye a poutan 7 jiyè kap vini la ap make Yon lane depi ansyen prezidan Jovenel Moïse te asasine lakay li nan peleren 5.
