Ajan lamarin Meksiken poze lapat sou yon figi istorik nan trafik dwòg nan peyi Meksik FBI tap chèche, Rafael Caro Quintero,vandredi 15 jiyè pase a.
Washington te ofri 20 milyon dola pou arete mennen bali Rafael Caro Quintero. Operasyon ki mennen pou rive aretel li te dewoule nan eta Chihuahua, nan nò peyi a, daprè medya Meksiken yo.
Quintero ki gen 69 lane, FBI tap chèchel byen lontan sa paskel te kidnape, bat epi touye yon ajan ajans Ameriken anti-dwòg (DEA), Kiki Camarena, nan peyi Meksik nan lane 1985. Li se tou youn nan manm fondatè premye gwo katèl dwòg ki nan Guadalajara (sid), nan fen ane 1970 yo. Dapre FBI, li se yon gwo zotobre nan katèl Sinaloa ak nan òganizasyon trafik dwòg Caro-Quintero.
