Ayiti/Ensekirite:SYNAPOHA rann Otorite polisyè yo responsab asasina direktè Akademi Nasyonal Polis la Harington Rigaud.
Sendika Nasyonal Polisye Ayisyen yo kondane ak tout fòs li asasina direktè akademi polis lan Harington Rigaud vandredi 25 novanm nan sou wout frè,komin Petyon vil .Estrikti sendikal sa denonse pasivite otorite yo nan piwo nivo leta ak wo komandman ki pat pran okenn mezi pou asire sekirite perimèt akademi an malgre alèt SYNAPOHA .
Selon kèk enfomasyon ki disponib Defen an te gen plizyè lisans tankou nan Dwa etnoloji ak lekòl nòmal san bliye etid nan peyi lafrans kanada ak etazini .
Se yon gwo kou pou peyi an spesyalman enstitisyon polisye daprè SYNAPOHA nan yon nòt yo rann piblik .
Yon lòt fwa , SYNAPOHA atire atansyon wo eta majò a nan lide pou evite lòt polisye ak sèten manm nan mitan popilasyon an viktim nan zòn sa .
Soti janvier pou rive mwa novanm, sendika dil resanse 50 polisye ki asasine anba bal bandi kap opere nan diferan zòn anndan peyi a.
Jean Wilner Sévère
