Sa gen anviwon 5 jou, nan yon videyo li pibliye sou Youtube, atis Ayisyen Roody Roodboy te reponn plizyè kesyon fanatik yo te pozel. Aprè yon ane 2022 ki te difisil anpil, Roody vle fè de ane 2023 sa yon ane glwa pou li menm ak fanatik li yo.Sèt (7) lane aprèl te sòti premye “Album” li ki rele “Fòk Tèt ou la”, ebyen chantè a anonse dezyèm album li ki rele “Tou 9” kap sòti ane sa menm.
“Malgre move moman m te konnen pandan ane 2022 a, mwen te toujou rete fokalizem sou objektif mwen ki se travay sou yon nouvo album, malgre tout pwoblèm yo, ensekirite ou pa.” se sa atis la fè konnen nan videyo sa.
Toujou nan menm videyo sa, atis la fè konnen li pral ofri fanatik li yo yon nouvo album pou ane 2023.” Se pap yon album konpa, ap gen plizyè koulè ak plizyè “Vibe” se yon album kap gen plizyè varyete.” se sal te rapouswiv poul di.
Roody Roodboy fè konnen tout mizik ki sou nouvo album nan se li menm ki ekri yo, se sèlman sou yon mizik sou album sa G-Fox ekri yon pati. Si se vre Roody Roodboy pat antre ase kòb sou dènye CD li te pibiye nan lane 2016 lan, atis la fè konnen fwa sa li mete tout bagay an plas poul rekòlte fwi travay sa a.
Jean Kenson CARRIES (JKC)
