Gang ame yo an Ayiti vin pi sofistike chak jou pi plis ,yo itilize tout mwayen materyèl teknolojik pou komèt zak yo. Selon jounal Ameriken Miami Hérald,bandi yo itilize dwon pou fasilite yo lokalize viktim yo .
Nan yon atik ki pibliye 29 mas la ,medya floridyen an di yo gen enfòmasyon gang yo an Ayiti pi byen òganize yo epi yo gen pi gwo zam sa ki pa nan avantaj polisye yo ki pa gen matryèl tankou elikoptè, dwon ak lòt ekipman .
Jounal la rapòte pandan yon ensidan, ravisè yo enfome yon otaj koman yo te ratel paskel tap kondwi yon BMW, ki te difisil pou gang yo te lokalizel. Ravisè yo te finalman pranl pandan tap deplase nan yon “SUV” ki mwen vizib.
“Nan yon lòt ka anlèvman, imaj vidéo yo montre ravisè yo kap opere ak inifòm lapolis toujou dapre jounal la.”
Nan menm atik sa ,jounalis ameriken yo soulinye Jean Nickenson Toussaint ak madanm li Abigail Toussaint, se yon ka ki pwouve pèsonn pa epanye anba bandi yo menm sitwayen ameriken.
