Pou match retou Lig Ewopa yo kite jwe jedi 18 me a, nan premye demi final la, FC Seville bat Juventus (2-1) aprè pwolongasyon nan stade Ramón Sanchez Pizjuán lan.
Poutan, se italyen yo kite fè gol anvan ak atakan sèb la Dusan Vlahovic 65e. Panyòl yo te reyaji ak Jesus Joaquin Fernandez Saez de la torre ki gen ti non Suso te egalize nan 71e minit.
Se nan pwologasyon jwè Ajanten an, Eric Lamela, te fè gòl viktwa nan 95e minit pou seviyan yo, kite fini jwe match la an mwens, lòt Ajanten an Marcos Acuna te pran 2 katon jòn (57e, 115e) ki vle di wouj. Séville pral jwe 7yèm final li nan konpetisyon sa e li genyen tout 5 dènye final li jwe deja yo, okenn lòt ekip pa metrize konpetisyon sa pi byen pase ekip peyi Espay lan.
Nan lòt demi final lan, Bayer Leverkusen fè (0-0) ak AS Roma , nan Bay Arena (30 210 plas). Match nil sa ranje koze italyen yo, nan match ale a, yo te bat Alman yo (1-0). Women yo kalifye pou final ewopa lig la. Se pral dezyèm final yo nan konpetisyon sa, nan lane 1991 Inter de Milan te chanpyon sou yo. Men tou se pral dezyèm final yo nan konpetisyon UEFA depi lè Mourinho pran tèt ekip la, sezon pase yon te pran Ewopa Lig Conference lan.
Nap raple Final la ap fèt mèkredi 31 mai: 3zè PM nan stad Ferenc Puskas la ki sitiyel nan peyi la Hongrie.
Jonathan Charles
