Alòske zak ensekirite yo kontinye ap mete dlo nan zye popilasyon ayisyèn nan, konsèy sekirite ONU an ap panche sou demann sekretètè jeneral Antonio Guterre la 15 septanm kap vini la.
Se peyi Etazini kap gen pou dirije konsèy sekirite a nan mwa septanm nan. Daprè anpil sous ki site lòt sous diplomatik peyi Tonton Sam nan ap mete tout pal nan balans lan pou konsèy la ka adopte pwopozisyon sekretè jeneral la.
Antonio Guterres te remèt pwopozisyon sa nan mitan mwa dawout la. Nan pwopozisyon sa SG ONU an mande pou gen yon fòs miltinasyonal ki rantre vin konbat gang yo an Ayiti, fòs sa pap anba lòd ONU paske Ayisyen gen vye souvni avèk prezans kas ble yo.
Yon lòt bò si Miami Herald te anonse otorite Kenya yo patap vin goumen kont gang men pito vin pwoteje kèk enstitisyon ak wout enpòtan, vandredi 25 dawout la nan yon reyinyon nan syèj Nasyonzini an delegasyon Kenya di yo pare pou mennen operasyon kont gang yo nan baz yo, selon nouvelis ki di yo pale ak yon sous diplomatik ki te nan rankont sila a.
