Nan yon operasyon PNH nan Sid mennen konsè ak pakè Okay nan Bèjo rantre vil Okay ayè vandredi 29 Septanm lan, 3 prezime bandi jwenn arestasyon yo, nan kad ankèt ki louvri apre asasina òm dafè Guy Louizaire alyas Guy dépôt ak yon lòt sitwayen, jedi 28 septanm 2023 nan aprè midi.
Selon chèf pakè okay la Me Ronald Richemond, prezime bandi sa yo se Émmanuel Prosper 28 lane, Peterson Milien alyas bali gaz 26 lane, epi Alqué Jeff 25 lane. Toujou selon komisè Ronald Richemond : nan moman operasyon an, otorite polisyè yo ak pakè a sezi, 617,000 00 goud ak $5,200 00 ameriken kite an posesyon prezime bandi yo*
