Sou lidèchip minis zafè etranjè Kenyan yon dezyèm ekip evalyasyon ap debake nan Peyi Dayiti semèn kap vini la a.
Nan yon kominine ki pibliye nan jounal kenyan The Standard sekretè kabinè enteryè a Kithure kindiki esplike vizit sa gen pou objektif evalye tout bagay avan yo angaje mezi jiridik pou misyon an.
Konklizyon dezyèm ekip sa enpòtan anpil pou konnen si wi oubyen non Kenya ap toujou pran tèt misyon an selon kindiki. Enspektè jeneral polis la Japhet Koome fe konnen misyon sa egzije yon gwo planifikasyon kap tou ranfòse kapasite polis Kenyan.
Chèf polis la raple yo deja kòmanse chwazi polisye pou misyon an, anpil ajan montre volonte pou fè pati ekip sa kap vin ede Ayiti soti anba grif gang yo. Ofisye ki chwazi yo dwe pase tès medical aprann pale fransè pou yo ka pare pou misyon an
