Mouvman Patriyotik Pou Lavi (MOPAL) gen gwo tèt chaje pou fason peyi a kontinye ap plonje nan ”chaos total,” ensekirite jeneral kidnaping, kantite sèvo kap Kouri kite peyi a pou mizè, enstitisyon demokratik yo kap efondre, depandans alimantè ak politik peyi a,move gouvènans ,chomaj melanje ak dezespwa.
MOPAL kwè moman rive pou n jwenn yon solisyon ayisyen pou kriz sa ki dire twòp.
MOPAL dil konstate se premye fwa nan kriz la prèske tout pwkpozisyon gwoupman politik yo sanble. Tankou gwoup Montana, Fanmi Lavalas, Front Uni, Pwotokòl 17 oktòb “non alignés” yo ak MOPAL tout pwopoze yon ekzekitif ak 2 tèt.
Kòm konstitisyon an pat prevwa nan sa nou tonbe la, sak rete a kounya se yon ”akò enklizif”. Se sa kap pèmèt nou debarase peyi a ak premye minis defakto Ariel Henry ki pa respekte okenn lwa nan Peyi a, kap manje akò ,yon nèg Sinik jan Mirlande Manigat te dil nan nòt li a.
Dènye deklarasyon prezidan HCT a ,apèl kap soti nan 10 depatman peyi a ak nan dyaspora a ,enkyetid Monseyè André Dumas ,Evèk dyosèz ansavo ak Miragwan nan nan nòt li a pwouve fason Ariel Henry echwe epi sa pwouve tou gen ijans pou n sove nasyon an .
Yon echèk kominote entènasyonal la deja konstate sitou Etazini ki te konprann Ariel Henry pa gen lejitimite pou l te patisipe nan somè dirijan ak patenarya Amerik pou pwosperite ekonomik (PAPE) la.
Desizyon sa sanble te pran tou akoz non Ariel Henry ap fè deba nan laprès ameriken ak gwo inivèsite ameriken kòmkwa li enplike nan gwo eskandal. Kidonk Premye minis la vann yon imaj tris sou peyi a ki raple epòk diktatoryal daprè MOPAL ki kwè dènye zak komisè gouvènman pòtoprens la Edler Guillaume sou militan politik Dzine se yon prèv.
Pou fini MOPAL lanse Yon apèl bay aktè yo ki dwe mete enterè popilasyon an devan pou jwenn yon ”akò enklizif” poun soti nan kriz la. Poun rive la fòk aktè yo asepte chita sou menm tab. Se vre kriz la konplike, se nou menm ki pou jwenn solisyon daprè MOPAL.
