Selon bilan Òganizasyon Entènasyonal Migrasyon (OIM) gen plis pase 2487 moun ki kouri kite lakay yo nan peryòd soti premye pou rive 6 novanm 2023 nan Mariani. Zòn sa anvi ajoute sou lis teritwa pèdi yo.
Deplase sa yo al refije yo kay kèk fanmi nan Gressier ak kèk lòt katye ki tou prè ki parèt pi poze. 2487 rezidan yo oblije kouri kite lakay yo pou chape anba vyolans gang yo.
Moun sa yo vin ajoute sou lis 200 mil Moun ki te deja deplase kite lakay yo akoz ensekirite,70 mil twouve yo nan yon seri espas ki pat fèt pou sa, 31 mil ap dòmi nan lari, 34 mil ap dòmi anpile nan sal klas nan lekòl piblik yo.
