jedi 23 novanm nan bandi kidnape Dacheline Rosier sou Channmas, li te vin rankontre yon sèten pastè Luma vital yo prezantel kòm yon reprezantan ajans vwayaj daprè manman viktim nan ki te pale ak Radio Préférence FM man Ti Gwav. Bandi yo egzije 2 milyon goud pou liberasyon l.
Selon enfòmasyon fanmi an rapòte, Dacheline Rosier ki se yon enfimyè rankontre ak Wagner Meris sou Facebook,Wagner pretann lap viv Etazini epi yo vin renmen .
Mennaj Facebook sa pwomèt li lap fèl vin jwenn li nan peyi Tonton Sam nan. Pou kòmanse li voye yon viza an liy pou li apre l metel an kontak ak pastè Luma vital ki mandel rantre Pòtoprens prese prese pou planifye vwayaj la ,viktim nan menm gentan bay pastè lajan Pou demach yo.
Dacheline Rosier monte nan kapital peyi Dayiti 23 novanm nan ak malèt li tou ranje pansel pral kite peyi a pou l al jwenn mennaj li Etazini. Depil rive Channmas la bandi yo leve l.“Madanm telefòn nan ak tout pitit ou a nan menm, wap pote 2 milyon goud pouw vin pranl,” se konsa yon jenn gason te reponn manma Dacheline lè l rele sou telefòn nan.
Wagner Mepris ak pastè Luma vital pa janm reponn telefòn depi dat sa a, sèl ravisè yo ki reponn apè epi ki kontinye ap egzije lajan.
Sous Radio Préférence FM Ti Gwav
