Anviwon 37 polisye pèdi lavi yo pandan y ap sèvi peyi yo nan lane 2023. Se Sendika nasyonal Lapolis ayisyen SYNAPOHA ki prezante bilan sa jedi 28 desanm 2023.
Ensekirite a pa t sispann vale teren nan peyi Dayiti. Tren lanmò a pa t epanye senp sitwayen tankou ajan Lapolis nasyonal yo. Daprè Sendika nasyonal Lapolis la “SYNAPOHA” 37 polisye tonbe anba bal endividi ak zam soti 10 janvye pou rive 19 desanm 2023.
Nan lis sa Sendika Lapolis nasyonal soulinye gwo pèt sa Lapolis te fè ant 20 ak 25 janvye nan zòn Metivye nan Petyonvil ak nan Labonit nan Lyankou, 10 polisye te rive pèdi lavi yo anba bal bandi ak zam.
SYNAPOHA fè konnen yo resanse mwens polisye ki mouri lane 2023 lè yo konte kantite k te tonbe lane 2022 a. Lane pase a yo te konte 56 kadav nan kan yo. Lane 2023 sa yo konte 37. Lapolis pa pèdi manm sèlman nan ka lanmò. N ap raple pwogwam yo re “Humatarian Parole” la (Pwogwam Biden nan), pran yon bon valè nan ajan Lapolis nasyonal peyi Dayiti a.
Carl Henry Florant
