Lendi 15 janvier a meri komin Jeremi ak meri komin Montrouis konnen plizyè chanjman menm jan ak delegasyon ak vis delegasyon yo tou.
Gouvènman ayisyen an fè nominasyon sa yo nan delegasyon ak vis delegasyon de (2) komin nou sot site la yo. Se yon desizyon Gouvènman pran aprè yon chita pale nan Konsèy minis yo. Arete ki nonmen pèsonalite sa yo pibliye nan jounal ofisyèl “Le Moniteur”, 15 janvye 2024 la.
Pou jere zafè Leta nan depatman Grandans la ak nan depatman Latibonit gouvènman pran yon arete pou l nonmen plizyè pèsonalite. Nan depatman Grandans la nou jwenn : Paulémon t Michel (Delege depatman Grandans), Carl Antoine (Sekretè Jeneral delegasyon Grandans la). Bò kote Latibonit la gouvènman nonmen : Elisabeth Jacques (Delege depatman Latibonit), Jules André (vis delegasyon Borgne). Se chanjman sa yo ki fèt nan delegasyon sa yo daprè arete gouvènman ki gen nan tèt li Ariel Henry a fè lendi 15 janvye a.
Nan Meri komin Montrouis a Primati nonmen plizyè ajan ekzekitif enterimè : Pierre Wilguens Belzince (Prezidan), Marie Dina Joseph ak Guivenaud Louis (manm). Moun sa yo pral jere enterè Leta nan tèt Meri. N ap soulinye, komin sa a ap fè fas ak anpil kriz sitou nan koze ensekirite.
Gouvènman mete yon komisyon tou nan tèt meri komin Jeremi a. Sylmatha Pierre (Prezidan), Joël Jean-Baptiste ak Yvrose Pierre Alexandre (manm). N ap raple komin Jeremi te konnen yon jounen tansyon jodi lendi 15 janvye 2024 la.
Carl Henry Florant
