Premye minis la, Ariel Henry, te konvoke jedi 22 fevriye sa a yon rankont travay pou diskite sou pwojè konstriksyon prese prese 20 nouvo lekòl (lekòl nasyonal ak lise) nan zòn metwopolitèn Pòtoprens lan ak komin depatman lwès la.
Daprè yon nòt primati, chak lekòl sa yo pral genyen 12 sal klas, yon blòk administratif, yon sal enfòmatik, yon bibliyotèk, yon laboratwa, yon sal konferans, de blòk sanitè, yon espas pou bay laswenyay ak yon tèren pou elèv yo jwe.
Nan kad travay konstriksyon lekòl sa yo, gen 12 minisipalite kap konsène: Pòtoprens, Petyonvil, Site Solèy, Kafou, Gresye, Kwadèboukè, Taba, Kabarè, Fonparizyen, Lagonav, Leyogan ak Kenskòf.
Travay sa yo se Fon Nasyonal Edikasyon kap finansel (FNE) ak lajan ki ranmase nan transfè (1,50 dola ameriken) ak apèl entènasyonal yo (5 santim).
Nan rankont sa pwoblèm moun ki deplase kite kay yo akoz ensekirite a te sou tab diskisyon an. Daprè kominike Primati a, premye Minis la bay otorite konsène yo enstriksyon pou yo travay pi vit pou pèmèt moun sa yo lokalite yo nan lòt espas.
