Jodi dimanch 25 fevriye 2024 la, Premye minis ayisyen an, Ariel Henry, kite peyi a pou l al patisipe nan 46èm reyinyon òdinè Chèf Leta ak gouvènman Caricom nan. Rankont sa ap fèt nan Guyana soti 25 fevriye pou rive 28 fevriye 2024. Aprè rankont sa a, Chèf gouvènman ayisyen an, ap pran wout peyi Kenya.
Nan yon kominike Primati a anonse PM Ariel Henry kite peyi a pou l al rankontre ak Chèf Leta ak Chèf gouvènman lòt peyi nan Karayib la. Deplwaman fòs etranje a nan peyi Dayiti ap nan meni yo daprè Primati a, nan reyinyon sa ki fèt pou diskite sou ekonomi peyi nan rejyon an.
Aprè rankont sa, Ariel Henry ap pran wout Nairobi kapital peyi Kenya pou al finalize dosye deplwaman fòs miltinasyonal la an Ayiti.
