Federasyon ayisyen foutbòl la anonse nominasyon yon nouvo seleksyonè nan tèt ekip nasyonal maskilen senyò a vandredi 8 mas 2024 la. Se mesye Sebastien Migné, ansyen coach adjwen seleksyon Kameroun nan ki dezomè nonmen nan tèt Grenadye yo.
Seleksyon nasyonal maskilen an finalman genyen yon antrenè aprè Federasyon foutbòl ayisyen an te fin revoke antrenè Gabriel Calderón Pellegrino, sa gen anviwon 5 mwa yo. Daprè FHF, nouvo coach sa pral pote eksperyans li pran nan seleksyom an la apre pasaj li nan sitou kòm coach adjwen nan plizyè lòt ekip.
Antrenè Fransè 51 lane a, pase adjwen nan anpil ekip tankou RC Strasbourg, FC Lens, RD Kongo, Kameroun se dènye eksperyans kôm adjwen li. Ansyen jwè fransè a te antrene peyi Kenya 2018-2019 ak Gine Ekwatoryal 2019-2020. Eksperyans sa yo daprè Federasyon an ba l yon ekspètiz taktik ak yon bon vizyon nan jwèt la. Gras ak kapasite coach Fransè toujou daprè FHF, te ranpòte Koup Golf Pèsik la ak ekip Oman an. Se menm coach sa tou ki te mennen Kenya nan CAN 2019 sa yo te gen 15 lane yo pa t fè.
Nap raple Ayiti pral angaje l nan batay eliminatwa pou mondyal 2026 la, èske nouvo seleksyonè ekip nasyonal la ap kapab mennen Ayiti nan yon lòt koupdimond gason aprè Koupdimond 1974 la ?
Carl Henry Florant
