Ayiti soumèt ofisyèlman Kandidati Konpa pou l enskri sou lis reprezantatif patrimwàn Kiltirèl ak imateryèl limanite daprè yon kominike delegasyon pèmanan Ayiti nan UNESCO a pibliye mèkredi 27 mas 2024 la.
Konpa ayisyen an ki se yon fòm mizik dans ki reprezante yon gwo moso nan patrimwàn Kiltirèl ayisyen an prezante plizyè varyete daprè kominike delegasyon pèmanan Ayiti a nan UNESCO. Li pote lajwa nan kè tout ayisyen k ap viv nan peyi a tankou nan peyi etranje. Konpa ayisyen an ki kapab vini patrimwàn Kiltirèl imateryèl limanite a, te enskri nan rejis nasyonal patrimwàn Kiltirèl ayisyen an nan lane 2019.
Konpa ki senbolize inyon nan mitan tout kouch sosyal ayisyen yo, kapab leve eskanp figi pèp ayisyen an byen wo sou sèn entènasyonal la menm jan ak Soup Joumou an epi kasav la. Nan sans, delegasyon reprezantan Ayiti nan UNESCO a remèsye tout antite ki te pote sipò yo pou demach sa yo rive abouti ak kandidati sa ki pral mete plis limyè sou kilti pèp ayisyen an.
Carl Henry Florant
